Kur do të kemi çertifikim të 11 Majit? Braho: Deri në fund të korrikut

Anëtari i Komisionit të Ankimimeve dhe Sanksioneve, Ledio Braho thotë se procesi i rinumërimit për Durrësit do të përfundojë sot. ”Ditën e hënë kemi caktuar katër seanca për katër qarqet e fundit”.

Sakaq, lidhur me çertifikimin e rezultateve të zgjedhjeve të 11 majit, sipas Brahos, pritet që një gjë e tillë të ndodhë deri në fund të muajit korrik.

”Besoj se ditën e hënë do të mbyllen me vendimmarrje të KAS-it këto katër qarqe. Në varësi të procedurave, nëse do të vijohet me Kolegjin Zgjedhor, apo jo, unë besoj se do të vijohet, siç u vijua me qarqet e tjera. Deri në fund të muajit korrik mund të ketë një certifikim të rezultateve, nëse nuk do gjendemi në kushtet e një pavlefshmërie në një nga këto katër qarqet e mbetura”.