Është zbuluar për herë të parë indentiteti i një prej familjeve të infektuara nga koronavirusi, i cili ka alarmuar botën si dhe ka imponuar krijimin e një gjendje shtetrrethimi në Shqipëri. Ajo është familja e E. Sulos nga Fieri. Identiteti është publikuar nga Bashkia e Fierit, në faqen e Facebook, ku i bën thirrje shoferit që ka tranportuar familjen nga Zogu i Zi në Tiranë në Dërmënas që të vetizolohet dhe të kërkojë menjëherë ndihmën mjekësore, pasi familja është prekur nga virusi COVID-19. Në njoftim thuhet se tranportimi është bërë në datën 3 mars, pra një javë para se autoritetet shëndetësore të njoftonin zyrtarisht dy të prekurit e parë në Shqipëri. Bashkia thotë se janë marrë masat për mbylljen e njësisë tregatre, e cila u i ka ofruar shërbim familjes, por nuk dihet se në sa qendra mund të ketë marrë shërbim dhe sa kontakte ka pasur.
Në njoftim e bashkisë Fier thuhet: Në vijim të masave të ndërmarra për parandalimin e virusit COVID-19, i bëjmë thirrje shoferit që ka transportuar familjen e Eduart Sulo nga Zogu i Zi në Dermenas që të vetë-izolohet dhe të kërkojë menjëherë ndihmën mjekësore, pasi kjo familje është e prekur nga virusi. Transporti i kësaj familjeje është bërë në datën 3 mars, rreth orës 7:00. Ndërkohë, NjA Dermenas ka marrë menjëherë masat duke njoftuar mbylljen dhe izolimin e njësisë tregëtare, që u ka oftuar shërbim gjatë kësaj kohe. Kërkojmë bashkëpunimin e të gjithëve për të kuptuar rëndësinë e kësaj situate dhe respektimin e rregullave bazë: qëndrimin në shtëpi dhe higjenë maksimale personale për veten dhe të tjerët.
