Kush janë dy personat më të kërkuar në Shqipëri (FOTO)

Kreu i policisë së shtetit Artan Didi në një konferencë për mediat bëri me dije se nga hetimet e fundit të intensifikuara mes Policisë së Shtetit dhe të Prokurorisë së Krimeve të Rënda kanë bërë të mundur arrestimin e katër personave, si dhe shpalljen në kërkim të dy të tjerëve. 

Didi tha se tashmë policia ka siguruar prova të cilat vërtetojnë se të gjithë personat e përfshirë janë pjesë e një grupi kriminal të strukturuar të cilët janë të lidhur me tritolin e vendosur në farmacinë e babait të Ministrit të Brendshëm, Saimir Tahiri si dhe në stacionin e autobusit në rrugën Muhamed Gjollesha.

Të arrestuarit për këtë çështje janë Lumjan Mahmutaj, Ernest Gjuta, Kamber Bruka, Erjon Dule. Ndërsa të shpallur në kërkim janë Vladimir Gjuta dhe Baftjar Bruka.