Kushi takon Presidentin e Federatës Botërore të Gjimnastikës: Bashkëpunim për zhvillimin e mëtejshëm të gjimnastikës 

Ministrja e Arsimit, Sportit dhe Rinisë, Evis Kushi ka mirëpritur sot në ambientet e MASR Presidentin e Federatës Botërore të Gjimnastikës, Morinari Watanabe dhe Ambasadorin e Japonisë në Tiranë, Takada Mitsuyuki.

I pranishëm në këtë takim ishte edhe Presidentit i Komitetit Olimpik Kombëtar Shqiptar (KOKSH), Fidel Ylli.

Ministrja Kushi shprehet se në takimin e zhvilluar është biseduar gjatë për bashkëpunimin e mëtejshëm me qëllim zhvillimin e sportit të gjimnastikës në vendin tonë.

“Një nga objektivat e këtij takimi ishte edhe përfshirja më e gjerë e gjimnastikës në shkollat tona dhe mbështetja konkrete e Federatës Botërore të Gjimnastikës në realizimin me sukses të këtij objektivi”.