Kushte të qëndrueshme atmosferike, ja parashikimi i motit për sot

Sot vendi ynë pritet të ndikohet nga kushte atmosferike relativisht të qëndrueshme.

Sipas parashikimit të Shërbimit Meteorologjik Ushtarak, moti do të karakterizohet nga alternime kthjellimesh dhe vranësira mesatare, ndërsa në zonat malore vranësirat do të jenë hera-herës më të dendura.

Era do të fryjë kryesisht nga kuadrati jugor me një shpejtësi mesatare rreth 7 m/s.

Në intervale të shkurtra, ajo pritet të forcohet duke arritur deri në 14 m/s, çka mund të sjellë ndjesi më të freskët në disa zona. Valëzimi në detin Adriatik dhe Jon parashikohet i forcës 2 deri në 4 ballë.