Laboratori i drogës në Durrës, edhe biznesmenë mes 7 të arrestuarve (Foto)

Policia e Durrësit sjell detaje të tjera nga operacioni antidrogë që çoi në sekuestron e 700 kg lëndë narkotike kanabis sativa, si dhe vuri në pranga 7 persona. Sipas policisë, mes të arrestuarve janë edhe disa biznesmenë.

Nga kontrolli i ushtruar në banesën e shtetasit Valter Pashollari, banues në Durrës, i shpallur në kërkim, u gjetën dhe sekuestruan 700 kg lëndë narkotike e dyshuar e llojit Cannabis Sattiva.

Sipas policisë, në banesën e tij  u gjet një peshore elektronike, dhe një makineri vakumi që shërbente për presimin e lëndës narkotike.

Në cilësinë e provës materiale u sekuestruan 7 automjete dhe 15 aparate celularë të markave të ndryshme.

Ka nisur procedim penal në gjendje të lirë edhe ndaj një 17-vjkeçari me iniciale, K.X, sipas uniformave blu.

Hetimet kanë nisur që më 25 shtator nga Krimet e Rënda dhe lëna narkotike blihej si lëndë e parë në zonat më të “nxehta” ko ajo mbillej në jug të vendit, apo edhe në Shkodër e Krujë, përpunohej në laborator dhe trafikohej jashtë vendit nga të arrestuarit e fundit.     

Te arrestuarit

• Iqmet Pashollari 61 vjeç, banues në Durrës;

• Bejto Kotaj  53  vjeç, banues në Shkodër;

• Ajet Sulaj 40 vjeç, banues në Tiranë;

• Festim Xhelilaj 39 vjeç, banues në Tiranë;

• Pajtim Braçaj 52 vjeç, banues në Tiranë;

• Qerim Xeka  47 vjeç, banues në Krujë

•  Lutfi Xeka  25 vjeç, banues në Krujë