Laguna e Patokut -Ministria e Bujqësisë: Akuzat e opozitës, tërësisht politike

Ministria e Bujqësisë, Zhvillimit Rural dhe Administrimit të Ujërave i është përgjigjur akuzave të opozitës për administrimin e Lagunës së Patokut duke i konsideruar krejtësisht politike.

Ministria e Bujqësisë, Zhvillimit Rural dhe Administrimit  në një deklratë për mediat të martën shprehet se “Akuzat e opozitës janë tërësisht politike. Procesi i dhënies në administrim i lagunës ka qenë me konkurrim të hapur,  i pastër dhe sipas ligjit. Ministria e Bujqësisë, Zhvillimit Rural dhe Administrimit të Ujërave është e hapur për t’i vënë në dispozicion organeve përkatëse dhe kujtdo dosjen në fjalë”.