Lajm i fundit: Mal i Zi, rrëzohet autobusi me 53 shqiptarë, vdes një grua

Një autobus shqiptar është aksidentuar në rrugën Tivar-Ulqin dhe si pasojë kanë mbetur 23 persona të plagosur, ndërsa një grua ka humbur jetën.

Media malazeze Vijesti shkruan se ngjarja ka ndodhur mbrëmjen e sotme rreth orës 18:00 kur autobusi me targa shqiptare AA 581 JX ka dalë nga rruga në vendin e quajtur Fusha e Mërkotit dhe ka rënë në një greminë.

Sipas Portalit Vijesti, të dhënat e para tregojnë se një grua ka vdekur në aksident, ndërsa në autobus kishte 53 pasagjerë.

Të lënduarit nga aksidenti po dërgohen në spitalin e Tivarit, ndërsa ato me lëndime të rënda po dërgohen në Qendrën klinike në Podgoricë.

Sipas të dhënave jozyrtare, policia dhe zjarrfikësit kanë arritur që të nxjerrën rreth 30 udhëtarë nga autobusi i aksidentuar.

Udhëtarët tjerë janë akoma në autobus, ndërsa autoritetet lokale kanë angazhuar mekanizmat që të nxjerrën autobusin.