LAJM I FUNDIT/ Shpërthen në flakë makina në lëvizje pranë rrethrrotullimit të Saukut, dyshimet e para

Një makinë është përfshirë nga flakët teksa po lëvizte në afërsi të rrethrrotullimit të Saukut mbrëmjen e sotme. Automjeti është djegur pjesërisht, ndërkohë që drejtuesja e tij shtetasja A. A., ka mundur të dalë në kohë pa patur dëmtime serioze.

Paraprakisht dyshohet se kemi të bëjmë me një ngjarje aksidentale, por pritet puna e grupit hetimor për të bërë të mundur sqarimin e plotë të rrethanave të ngjarjes.

Njoftimi i plotë: Tiranë/Informacion paraprak

Me datë 25.10.2020, rreth orës 20:00, tek rrethrrotullimi i Saukut, ka marrë flakë në lëvizje dhe është djegur pjesërisht mjeti me drejtuese shtetasen A.A., ku ka vetëm dëme materiale.

Grupi hetimor dhe shërbimet e Policisë ndodhet në vendngjarje dhe vijojnë punën për sqarimin e rrethanave të ngjarjes, ku paraprakisht dyshohet se është ngjarje aksidentale.