Lamallari vlerëson Policinë për shpëtimin e dy turisteve: Profesionalizëm, guxim dhe reagim në kohë

Ministri i Punëve të Brendshme, Besfort Lamallari reagoi sot për aksionin e shpëtimit të dy turisteve nga Holanda, në Shpellën e Pëllumbasit.

“Në terren të vështirë, në garë me kohën dhe rrezikun, punonjësit e Policisë së Shtetit lokalizuan dhe shpëtuan dy turiste nga Holanda, të bllokuara në Shpellën e Pëllumbasit. Profesionalizëm, guxim dhe reagim në kohë. RESPEKT!”, shkruan Lamallari.