Adriatik Lapaj vijon qëndresën para Kryeministrisë. Për të qeveria po tregon një standard të dyfishtë, pasi ka qytetarët që kanë vjedhur energjinë elektrike janë futur në burg , ndërsa për ata që kanë vjedhur milionat e shqiptarëve, angazhohet e gjithë qeveria në shërbim për ta mbrojtur.
”Ata që vjedhin shtetin duhet të përgjigjen për atë që bëjnë, por standardet janë të dyfishta. Sepse për dikë që kapet se deformon 50 mln euro e mbajmë zv.kryeministre dhe vihet gjithë qeveria në shërbim të faktit që të mbrohet. Dhe kjo e zhbën të gjithë fasadën dhe këta kanë arritur te pika që të zhbëjnë çdo gjë”, tha mes të tjerash ai.
Gjithashtu ai u ndal edhe te skandali me rrugën Qukës Qafë Plloçë, ndërsa thekson edhe pse është jashtë standardeve askush nuk mban përgjegjësi. Më tej komentoi edhe deklaratat e Ramës i cili tha se Balluku i ka dorëzuar 3 herë dorëheqjen por që ka qenë vetë kryeministri që e ka refuzuar.
”Pra po na tregon se nuk qenë Belinda Problemi, por e di se po ra Belinda bie ky. Pas Belindës është ky. Edhe ky vetë nuk di çfarë ka firmosur më. E kanë trajtuar shtetin si tokë babe”.