Kryetari i Lëvizjes ”Shqipëria Bëhet”, Adriatik Lapaj këtë të martë u ndal në Rrëshen. Ai i bëri thirrje qytetarëve të votojnë koalicionin ”Nisma-Shqipëria Bëhet” për të votuar ndryshimin dhe jo për të votuar si tifozë ndaj dy forcave politike që kanë marrë peng vendin.
”Mendojeni për një çast, më 12 maj vota e lirë e ka carë sistemin, vendi shkon në zgjedhje të parakohshme, ku bandat që sot janë të lidhura me pushtetin, nuk do ta kenë mbrojtjen politike.
Ku administrata nuk kërcënohet më nga partia në pushtet sepse një qeveri tranzitore do të jetë aty, ku lekët e krimit nuk do ta blejnë votën. Sa kohë shkohet në zgjedhje të parakohshme, atë cast, Shqipëria do të jetë çliruar”, tha Lapaj.
