Ledi Shamku: Lani gojën para se të shani Prekë Calin!

Nga Ledi Shamku

Shoqëri e padekomunistizuar kjo jona, me një çorbë të patretur mu në lukth, që shpesh e bën të nxjerrë gromsima në vend të fjalëve!

Kemi pak figura, fare pak, të cilat meritojnë nga ne më shumë mirënjohje se ankime. Po mesa duket çorba e patretur shkaktoka ankime pa mirënjohje.

Në vazhdën e ankimeve, për të cilat mua më vjen turp që ankimtarëve s'iu vjen turp, lexova sot edhe një sulm tjetër ndaj figurave si Prekë Cali me shokë. Ca gromsima të tipit shitje-blerje tek i huaji.

Nuk di të ketë pasë ndonjë "dugajë" të tillë asnjë nga këta burra të kombit.

Në të tilla raste, gjyshja ime do t'u kish thënë: lani gojët para se t'i përgojoni.

Nuk besoj se është çështje higjene orale për ta. Nuk ndreqen më.

Por kujtdo që i lexon, dua t'i them: lani sytë para leximit! Sytë dhe hundët. Kështu keni me e dallu edhe pamjen edhe duhmën e çorbës së patretur!