Lëkundet sërish jugu, Janina mbyll shkollat nga frika e tërmetit (FOTO)

Epiqendra e tërmetit të mbrëmjes së sotme ishte në afërsi të Janinës pranë kufirit me Shqipërinë. Mediat greke raportojnë për një tërmet 4.3 ballë të shkallës rihter. Njerëzit janë kapur në panik dhe kanë dalë nëpër rrugë siç shihet edhe në fotot e mëposhtme. Ndërkohë nesër do të jenë të mbyllura të gjitha shkollat e Janinës, situata sizmike paraqitet e rrezikshme për të paktën edhe 48 orët ardhshme. Raportohet për dëme materiale në disa shtëpi dhe objekte. Lëkundjet e tërmetit janë ndjerë edhe në jug të Shqipërisë. Tërmeti më i fortë u regjistrua mbrëmë, 5.5 ballë i shkallës Rihter.