Lëpusha prej ditësh pa drita dhe e izoluar nga bora

Zona e Lëpushës në qarkun e Shkodrës po vuan prej ditësh mungesën e energjisë elektrike dhe izolimit prej borës. Banorët kërkojnë ndërhyrjen nga ana e Qeverisë dhe bashkisë së Malësisë së Madhe.

Ata thonë se faturat e energjisë elektrike janë të detyruar t’i paguajnë, ndërsa rrjeti i energjisë është i vjetruar aq sa gjatë stinës së vjeshtës dhe dimrit e kalojnë errësirë.

Sikur të mos mjaftonte mungesa e energjisë elektrike, prej disa ditësh fshati është izoluar për shkak të borës.