Skenat e Rithemelimit këtë të hënë në sallën e Kuvendit, deputetja e Bashës i cilëson si “luftë donkishoteske” ku nuk u ofrohet asnjë zgjidhje shqiptarëve. Oriola Pampuri tha se përkundër rasteve kur për buxhetin është diskutuar për 48 orë rresht, këtë herë, u bë një shfaqje për interesa personale dhe se 2 grupet i shërbyen njëri-tjetrit.
“Kaosi i zhvilluar në sallën e parlamentit, ishte që ata që e ndezin zjarrin dhe po ata e fikin. Skena të tilla, luftë alla “don kishoteske” nuk u shërbejnë shqiptarëve. Shqipëtarëve u shërben një zgjidhje. Ka patur raste që është diskutuar për 48 orë për buxhetin, nuk e ka parë historia që buxheti të kalojë për 5 minuta. Nga ana tjetër bëhet një shou që u shërben vetëm personave që e bëjnë këtë zhurmë për interesa personale. Po ashtu edhe Rama e bëri shfaqjen, sepse miratoi buxhetin e 7 miliardë eurove, pa asnjë diskutim. Të dy grupet në sallë ndihmuan njëri-tjetrin. Njëra palë miratoi buxhetin pë të shpërdoruar paratë e shqiptarëve”,-u shpreh Pampuri.
Sa i takon votimit nen për nen të buxhetit që pritet të bëhet në 6 dhjetor, deputetja tha edhe se pavarësisht se mund të përmenden amendamentet e propozuara nga PD, synimi i qeverisë nuk do jetë zgjidhja e problemeve të qytetarëve.
