Një bandë trafikantësh mbajti të mbyllur dhe të lidhur me zinxhirë dy burra me origjinë shqiptare në një zonë të fshehur urbane në Náquera Valencia. Lajmi u bë me dije nga njëri prej tyre, i cili arriti të lirohej të shtunën e kaluar pas katër ditësh rrëmbimi.
Banda i akuzoi ata se kishin vjedhur një sasi të madhe ‘malli’ që ata e rritën dhe e fshehën në vendin ku mbaheshin. Sipas gazetës spanjolle njëri nga burrat arriti të thyejë zinxhirët me të cilët ishte lidhur dhe u arratis për të kërkuar ndihmë.
Një fqinj e gjeti atë të plagosur dhe njoftoi forcat e sigurisë. Garda Civile dhe autoritetet morën në pyetje burrin, i cili i paralajmëroi ata se shoku i tij ishte ende peng dhe i çoi në vendin ku ai ishte. Në këqyrjen e ambienteve u gjet kanabis si dhe enë për kultivimin e tij.
Të dy të lëshuarit janë marrë në pyetje për të përcaktuar marrëdhëniet e tyre me bandën e ‘mallit’.