Likmeta: Kostot do të jenë më të mëdha nëse Parlamenti nuk e zgjat afatin e KPK-së

Besar Likmeta, kryeredaktor i BIRN thotë se e vetmja garanci përsa i përket procesit të Vetitng-ut deri tani, ka qenë ONM-ja, që ka bërë rekomandimet e duhura, për të pasur standard dhe kontroll.

”Ne e provuam ta bëjmë vetë vetingun në polici dhe e pamë se si shkoi. Vetting-u nuk do të ndalet, është detyrim kushtetues. E vetmja pyetje është nëse do ta vazhdojmë ta bëjmë me ndërkombëtarët, apo me KLP dhe KLGJ, që do të mbingarkohen edhe më shumë”,-tha në ”A2cnn”.

Për të kostot do të jenë të mëdha nëse Parlamenti nuk e zgjat afatin e KPK-së. ”Standardi i vendosur deri më tani, i mirë apo i keq, rrezikon të shkatërrohet nëse nuk do të kemi më një prezencë ndërkombëtare. Besoj se për këtë biem të gjithë dakord”.