Lirohet pas 24 orësh i arrestuari i shpallur në kërkim ndërkombëtar

Është liruar një ditë pas arrestimit Ergus Jaupaj. Policia e Tiranës e ndaluan si person i shpallur në kërkim ndërkombëtar nga Italia.

Gjykata italiane e kishte dënuar me 10 vjet burg për veprën penale të rrëmbimit, përdhunimit dhe vjedhjes me armë në bashkëpunim.

Por pasditen e 26 tetorit, ora 16: 45 është urdhëruar lirimi i menjëhershëm i tij

Burime nga prokuroria bëjnë me dije për Ora News se pas verifikimeve gjurmët papilare të Ergus Yzedin Jaupajt nuk përputheshin me gjurmët e personit të shpallur në kërkim ndërkombëtar nga autoritetet italiane të drejtësisë.