Me dorëzimin e emrave për kandidatë në lidhje me 14 Majin, bëhen edhe analizat. Lista e PS-së për 14 Majin është me policë, mjekë, bujq dhe mësues.
Përgjegjësia për pastrimin e imazhit në Bulqizë pas largimit të bujshëm të Lefter Allës, i është lënë një mësueseje. Festime Mjeshtri nga bankat e shkollës, tashmë do të luftojë për karrigen e kryetarit të bashkisë. Mjekes së qendrës shëndetësore i është besuar gara për bashkinë e Klosit. Valbona Kola, nuk do të jetë më pranë qytetarëve për t’u dhënë ndihmë mjekësore, por për t’u kërkuar votën.
Divjaka i është besuar atij që socialistët e konsiderojnë bujkun më të mirë shqiptar. Josif Gorre një emigrant i rikthyer në Shqipëri ka investuar në biznes, por në politikë është inekzistent. E vetmja dalje e tij publike, është krah Taulant Ballës teksa promovon bizesnin e tij të fidanishteve.
Në Sarandë është një biznesmen, Olti Caci i cili ka studiuar në Ukrainë, është i angazhuar në biznesin e turizmit. Ai ka shërbyer edhe si Kryetar i Sektorit të Hotelerisë në Unionin Turistik shqiptar. Kurse Leonard Hide i cili për 25 vite ka shërbyer në Policinë e Shtetit në 14 Maj do të kërkoj votën për kryetar bashkie në Libohovë.