Edhe pse shtatori po mbyllet pa protesat anti-qeveritare të propaganduara nga PD-ja, nënkryetari i demokratëvr, Luçiano Boçi, thotë se nëse Gjykata nuk merr vendim për drejtimin e partisë, ata do të regjistrojnë logon e re në KQZ për zgjedhjet lokale të 2023.
Në një intervistë televizive, Luçiano Boçi shtoi se primaret do të organizohen bashkë me partinë e Ilir Metës. ”Parimisht nga Zoti Meta është rënë dakord që të ketë një procesh primarësh, i cili si front mund të jetë edhe i përbashkët me Partinë e Lirisë sikundër me partitë e tjera, ku secili prej anëtarëve të jetë i lirë të votoj ëpër kandidatin e preferuar”.
Berisha nuk e përjashtoi grevën si mundësi. A është gati Boçi ta ndërmarrë një veprim të tillë? ”Në grevë si qytetar, jo si deputet për të bërë atë shfaqjen e bojkotit. Pjesën e mbështetjes së qytetarëve, si qytetar kur ata ta vendosin se do jenë në grevë për të drejtat e tyre, për kthimin e shpresës dhe besimin, normale që e kemi për detyrë të jemi bashkë me shqiptarët”.
