Lufta me zjarret – Helikopterët shuajnë flakët në Llogara

Helikopterët e kompanisë VIVA dhe stafi gjerman kanë nisur luftën me flakët në parkun e LLogarasë. Menjëherë pas thirrjes së emergjencave civile, VIVA ka nisur operacionin e rradhës për të vënë nën kontroll flakët

Helikopterët e kompanisë Viva si dhe stafi gjerman kanë nisur një tjetër mision për shuarjen e flakëve. Emergjencat civile kanë kërkuar ndihmë urgjente për ndërhyrje nga ajri, për të vënë nën kontroll zjarrin e rënë në parkun kombëtar të Llogarasë. Menjëherë pas marrjes së kërkesës VIVA ka nisur operacionin për të mos lejuar përhapjen e mëtejshme të flakëve.

Emergjencat civile në shkresën e dërguar VIVA nënvizojnë se Zjarri i rënë ka përmasa të mëdha dhe ndërhyrja e zjarrëfikësve është e pamundur për shkak të terrenit të thyer malor. Ndaj dhe ndërhyrja e helikopterit të Viva është konsideruar e domosdoshme.

VIVA ashtu si dhe në operacione të tjera ka angazhuar stafin me mijëra orë fluturime në operacione të vështira, por tashmë dhe me një eksperiencë në shuarjen e flakëve në Shqipëri, ku prej javësh kanë realizuar me sukses shuarjen e flakëve në çdo mision ky është kërkuar ndihmë. Nga marrja e njoftimit helikopteri ka vijuar punën duke marrë ujë në det dhe duke hedhur pa pushim mbi flakët, deri në vënien në kontroll të situatës.