Lulzim Basha, Edi Rama dhe doktrina rilindase e dizinformacionit “Putin”!

Nga Dritan Demiraj

Ndërkohë që ish-krerët e UÇK, Thaçi-Krasniqi-Veseli-Selimi, po përballen me Gjykatën Speciale në Hagë me akuzat për krime lufte, Edi Rama, në mënyrën më të paturpshme dhe të padenjë për një kryeministër shqiptar po mban ndezur çështjen e “Shtëpisë së verdhë”.

Kjo akuzë antishqiptare dhe krejtësisht e pavërtetë, është provuar se u gatua në Beograd, u investua nga qeveria e Beogradit, u përgatit nga prokurorët serbë dhe nuk është aspak objekt hetimi në gjyqin aktual të Hagës.
E gjithë kjo fushatë e Ramës dhe e mediave pranë tij, në mënyrë të njëllojtë me raportin e antishqiptarëve të paguar nga serbët Dik Martin dhe Karla de Ponte, kanë si qëllim që të njollosin jo vetëm luftën e drejtë çlirimtare të Kosovës, por edhe vetë Shqipërinë.

Ndërkohë për të larguar vëmendjen nga skandalet qeveritare, dështimi për të zbatuar planin e propozuar nga Lulzim Basha për të luftuar pandeminë, për të ulur infeksionet, për të shpëtuar jetët e qytetarëve, për të hequr paratë e oligarkëve dhe për tia dhënë ato spitaleve, për të paguar mjekët, infermierët dhe shtuar kujdesin për të sëmurët, shtimin e ndihmës financiare për qytetarët, uljen e çmimeve të ilaçeve dhe të ushqimeve, ndërtimin e shtëpive të shkatërruara nga tërmeti, ndalimin e bllokimit të perspektivës Europiane të Shqipërisë, etj urdhëron ngritjen nga ana e maxhorancës së Komisionit Parlamentar për hetimin e akuzave ndaj Shqipërisë për krime të supozuara në veri të vendit.

Zoti kryeministër!

Ngritja e Komisionit Parlamentar për hetimin e akuzave ndaj Shqipërisë për krime të supozuara në veriun e vendit, është shfaqja qesharake e rradhës së një kryeministri të kapur në krim dhe që qeveris bashkë me krimin e organizuar.

Por nga e ka prejardhjen gjithë strategjia e propagandës së gënjeshtrave të Ramës??
Mjaftojmë të analizojmë me kujdes mënyrën se si e mban pushtetin Putini dhe se si ai e zbaton propagandën e tij, në atë që quhet “Doktrina e dizinformacionit Putin” dhe të kuptojmë që propaganda e Ramës zbaton saktësisht këtë doktrinë dezinformimi për të mbajtur pushtetin e tij të korruptuar.

Propaganda e Rusisë është përshkruar nga ekspertët perëndimorë si një “vatër zjarri e gënjeshtrave” e cila në mënyrë të vazhdueshme dhe të përsëritur hedh në treg dezinformata të shpeshta. Në mënyrë tipike, dezinformimi dhe fushatat propagandistike të suksesshme, i japin përparësi qëndrueshmërisë së mesazheve që shpërndan propaganda ruse.

Rusia nën lidershipin e Vladimir Putinit, qëllimin kryesor e ka që audienca (populli) të besojë në diçka të re, sipas interesave të oligarkëve të tij, të vërë në pikëpyetje gjithçka që publikon opozita, ta përçajë atë sa më shumë, duke përdorur të gjitha mjetet, format dhe të dobësojë konkurrentët politikë të Putinit (njëlloj si Rama kundër Bashës dhe opozitës jashtë parlamentare).

Kremlini zyrtar, me qëllim që të arrijë këtë objektiv përdor shumë mjete, përfshi këtu mbështetjen financiare të drejtëpërdrejtë të partive politike të reja (në mënyrë të njëjtë me partitë e reja të Ramës). Dezinformimi rus është krijuar për të tronditur besimin e qytetarëve në identitetin e tyre të përbashkët dhe në parimet e tyre demokratike, institucionet dhe proçeset duke manipuluar mediat sociale, duke krijuar histori të rreme (njëlloj si akuza e fundit e Ramës për liderin të opozitës), duke krijuar akuza të rreme, persona të rremë (njëlloj me dhjetra persona të punësuar në KM nga Rama, të cilët përdorim FB me emra anonimë vetëm që të justifikojnë me progagandë 3D gënjeshtrat e Ramës).

Njëlloj si Putini që përdor median shtetërore Russia Today (RT), të cilën e financon me më shumë se 300 milionë dollarë në vit, edhe Rama përdor intensivisht “armë mediatike” të tilla si ERTV dhe jo vetëm, për të transmetuar një vijë të qëndrueshme dhe të vazhdueshme disiformimi.

Për këtë qëllim, ERTV përdor dhjetra milionë Euro dhe ka në dispozicion buxhet pa limit të sponsorizuar nga Rama dhe oligarkët e tij, me qëllim që të theksojnë teoritë e konspiracionit të krijuara për të ngritur dyshime mbi akuzat e opozitës dhe për të ulur mbështetjen e saj popullore, e cila kohët e fundit është rritur ndjeshëm si pasojë e aksionit intensiv opozitar duke denoncuar çdo moment me fakte dhe prova dështimin total të qeverisjes 8 vjeçare të Rilindjes.

Për më tepër, si pjesë e një numri të caktuar të mekanizmit të ndikimit të njohur si “masat aktive”, në vazhdim të gënjeshtrave të Ramës, edhe “udhëheqës” të tjerë të Rilindjes bëjnë shpesh deklarata të rreme (kampioni është padyshim Taulant Balla) me qëllim që të përforcojnë më tej këto përpjekje mashtrimi dhe dezinformimi për popullin shqiptar.

Natyra përsëritëse e këtyre narativave, synon të portretizojë një këndvështrim të caktuar si një perceptim popullor (që në fakt nuk është i vërtetë). Për më tepër, synimet e këtij dizinformacioni nuk janë më të kufizuara vetëm për audiencat në vend, por për më tepër shpërndahen edhe në rajon dhe në Perëndim.

Si përfundim, korrupsioni galopant gjatë zgjedhjeve të fundit (në vitin 2016 në Dibër, zgjedhjet e përgjithshme parlamentare të vitit 2017, zgjedhjet moniste bashkiake të vitit 2019), përdorimi i parave të pista, grupeve kriminale, lidhjeve qeveri-bashki-policia e shtetit-krimi i organizuar, etj janë vetëm një pjesë e vogël e përpjekjes më të gjerë për të vrarë shpresën e besimit për zgjedhje të lira dhe të ndershme, kundër proceseve demokratike dhe institucioneve të besueshme për një Shqipëri më të mirë.

Por populli shqiptar, përgjigjen më të mirë Ramës dhe Rilindjes së tij do tia japë në datën 25 prill 2021.

D.D. Washington D.C.