Ish-ministri socialist, Pandeli Majko shpjegon pse ai duhet të ishte në listën e hapur të Partisë Socialiste për zgjedhjet e 11 Majit.
”Nëse do isha në listë të mbyllur, pyetja që do të më drejtohej do ishte: Po lini këta të rinjtë që të mbledhin vota për Partinë Socialiste? Mua personalisht më takonte që të isha në listën e hapur. Këto nuk janë zgjedhje të lehta.
Situata nuk është kaq rozë, mendoj se është situatë nga më delikatet, për shkak të një distance të rritur midis politikës dhe publikut.
Në 1992, edhe unë nuk kisha ndonjë dallim të madh nga këta të rinjtë që janë sot. E rëndësishme është që politika të ofron shansin, të ofron protagonizmin dhe nëse nuk e mban atë protagonizëm duhet të hapësh krahun për tjetrin”, tha Majko.