Makina përplas çiftin dhe fëmijën 3 muajsh te “Rruga e Kavajës”

Një aksident që mund të kishte pasoja të rënda, ndodhi këtë të dielë te “Rruga e Kavajës” në Tiranë, ku një mjet përplasi çiftin dhe fëmijën e tyre 3 muajsh.

Një mjet me drejtues ende të paidentifikuar, përplasi shtetasit V. K., 43 vjeçe, A. K., 48 vjeç dhe fëmija e tyre, të cilët janë në spital nën kujdesin e mjekëve.

“Më datë 08.05.2022, në Rrugën e Kavajës, një mjet me drejtues ende të paidentifikuar, ka përplasur shtetasit V. K., 43 vjeçe, A. K., 48 vjeç dhe fëmijën e tyre të mitur 3 muajsh, të cilët si pasojë janë dëmtuar dhe ndodhen në spital, nën kujdesin e mjekëve”,- njofton policia.