Makina përplaset me autobusin në aksin Korçë-Bilisht, 3 të plagosur

Një aksident rrugor ka ndodhur në orët e mesditës së sotme në aksin Korçë- Bilisht. Aksidenti ka ndodhur në  afërsi të fshatit Kuç i Zi, ku një makinë është përplasur me një autobus.

Si pasojë e aksidentit kanë mbetur të plagosur tre persona, drejtuesi i mjetit tip “Mitsubish” dhe 2 pasagjerët që udhëtonin në mjet.

Ata janë transportuar drejt spitalit për ndihmë mjekësore. Policia e mbërritur në vendngjarje ka nisur hetimet për shkaqet e aksidentit.