Një aksident ka ndodhur mëngjesin e sotëm në Lezhë, ku si pasojë janë lënduar dy persona.
Unifornat blu njoftojnë se ngjarja ka ndodhur në vendin e quajtur “Rrethi i taksive”, ku automjeti me drejtues shtetasin Ll. N. është përplasur me automjetin kamion me drejtues shtetasin P. N..
Të dëmtuarit tashmë janë jashtë rrezikut për jetën.
“Rreth orës 06:30, në vendin e quajtur “Rrethi i taksive”, automjeti me drejtues shtetasin Ll. N. është përplasur me automjetin kamion me drejtues shtetasin P. N..
Si pasojë janë dëmtuar drejtuesi i automjetit, shtetasi Ll. N., 44 vjeç, dhe pasagjerja në këtë automjet, shtetasja A. N. (bashkëshortja e tij), të cilët janë transportuar në spital, për ndihmë mjeksore, dhe janë jashtë rrezikut për jetën”, njofton policia.
Grupi hetimor po punon për sqarimin e rrethanave të aksidentit.