Makina përplaset me kamionin në autostradën Tiranë-Elbasan

Një aksident automobilistik është regjistruar mesditën e kësaj të shtune në autostradën Tiranë-Elbasan, në afërsi të Mulletit.

Siç shihet edhe nga pamjet e mëposhtme, një makinë është përplasur me një kamion të tonazhit të rëndë. Pjesa e përparme e makinës ka përfunduar poshtë kamionit.

Shkaqet e aksidentit dyshohet se kanë qenë parakalimi i gabuar dhe lagështia në rrugë. Dëmet materiale janë të konsiderueshme, teksa ende nuk dihet nëse ka të plagosur apo jo.

Policia ka shkuar në vendin e ngjarjes dhe po punon për zbardhjen e plotë të rrethanave të aksidentit.