
Makinat ”spiune” të Policisë Rrugore, kanë vënë mbi 1600 masa administrative në një javë. Gjatë një jave janë pezulluar 683 leje drejtimi për shpejtësi mbi normat e lejuara.
Flota e re e automjeteve të Policisë Rrugore, e pajisur me bazën logjistike bashkëkohore, makinën inteligjente dhe radarët automatikë, në monitorim të qarkullimit rrugor, me qëllim parandalimin e aksidenteve dhe rritjen e parametrave të sigurisë në rrugë.
Policia e Shtetit apelon për të gjithë përdoruesit e rrugës që të respektojnë rregullat e qarkullimit rrugor, sepse të gjitha akset rrugore, nga Morina në Sarandë janë në monitorim 24/7 nga Policia Rrugore, e cila ka në dispozicion mjete logjistike bashkëkohore, për të evidentuar dhe ndëshkuar drejtuesit e automjeteve që shkelin rregullat e qarkullimit rrugor.