Manastirliu ndjek vaksinimin në Sheshin ‘Skëndërbej’: Nga e hëna nis vaksinimi për personat mbi 60-vjeç me sëmundje kronike

Ministrja e Ogerta Manastirliu, nga sheshi ‘Skëndërbej’ ku dhe po monitoron nga afër procesin e vaksinimit, ka thënë se nga e hëna do të nisë vaksinimi për moshat +60 vjeç me sëmundje kronike.

“Tashmë kemi hyrë në grupmoshat mbi 65 vjeç, procesi ka vijuar që në mëngjes. Ne po ecim me ritme të shpejta falë edhe punës së ekipit të gjithë vaksinatorëve”, tha Manastirliu.

Duke iu kërkuar qytetarëve të vaksinuar të vijojnë të mbrohen edhe disa javë, Manastirliu ka bërë apel për të gjithë qytetarët +60 vjeç, të regjistrohen pranë mjekut të familjes për ditën dhe orën e vaksinimit.

Që prej fillimit të vaksinimit antiCOVID janë kryer në total 256,848 vaksinime, prej të cilëve 182,669 vaksinime për të moshuarit.