Manjani: Revolucioni ka asistencë nga Serbia, synimi është projekti i Kushnerit…

I ftuar në emisionin “Koha Jonë-Debat” me Nikoll Lesin, avokati Ylli Manjani tha se protestat po mbështeten nga grupe që sipas tij kanë lidhje me lëvizje që kanë kundërshtuar projektet e Jared Kushner në rajonin e Ballkanit.

Manjani tha se “asistenca” për këtë lëvizje vjen nga Serbia, duke pretenduar se pas saj qëndrojnë individë që më herët kanë vepruar kundër pranisë së Kushnerit në Beograd. ”Shqiptarët nuk i nxjerrin serbët në protestë, i nxjerrin shqiptarët. Por asistenca vjen nga Serbia. Shumica e njerëzve janë të gënjyer dhe nuk e dinë për çfarë janë”, u shpreh ai.

Pjesë nga biseda

Manjani: Asistenca e këtij revolucioni vjen nga Serbia. Nuk është sekret kjo. Ka dalë dhe në media. Vjen nga Serbia. Ata që kanë bërë lëvizjen për të larguar Jared Kushner nga Beogradi, ata janë pas këtaj. Japin asistencë. Ata nuk nuk janë aty se nuk ka njerëz. Sigurisht shqiptarët nuk i nxjerrin serbët, i nxjerrin shqiptarët. Pa diskutim që po dhe shumicat janë të gënjyer. Ata nuk e dinë për çfarë janë…

Lesi: Filloi si lëvizje kundër Zvernecit.

Manjani: Po pra, kundër Zvernecit. Po pse kundër Zvenecit? Jo kundër Zvenecit, kundër Jared Kushner. Kundër projektit dhe kundër faktit që Rama ka miqësi me familjen Trump. Kjo është gjithë historia dhe për sa kohë media si CNN dhe mediat e kësaj linje do kenë interes për ta pasqyruar si një lëvizje globale këtë revolucion, që i kanë vunë dhe emrin Flamingo, do vazhdojë edhe kjo si skenografi e CNN-it. Kurse CNN të mos ketë më interes do ikin dhe këto në shtëpi. Kjo është gjithë historia e kësaj pune.