Mark Frroku ka pasaportë amerikane. A do ta pengojë kjo ekstradimin e tij?

Ekstradimi i Mark Frrokut në Belgjikë, për t’u gjykuar për vrasjen e Aleksandër Kurtit do të hasë në vështirësi. Shqipëria nuk ka marrëveshje ekstradimi me Belgjikën, por dërgimi i Frrokut atje mund të mbështetet në një marrëveshje tjetër dypalëshë. Por Mark Frroku ka nënshtetësi amerikane. Nuk është e qartë nëse ky fakt do të përbëjë gjithashtu pengesë për ekstradimin. SHBA nuk pranon t’i ekstradojë shtetasit e saj për t’u gjykuar në vendet e huaja vetëm në rast se bëhet fjalë për ushtarakët dhe nëse akuzat janë për krime të kryera gjatë shërbimit ushtarak.