Kreu i Policisë së Shtetit, Gledis Nano informoi përmes një konference për shyp këtë të mërkurë, se nga marrëveshja e firmosur së fundmi me Spanjën, do të jenë 7 shqiptarë që do të ekstradohen.
”Siguria mbetet një nga koonat më të rëndësishme. Shqipëria është angazhuar me të gjitha kapacitetet e saj, një kontribut që reflektohet në BE e më gjerë. Rritja e forcave të policisë është vënë re në operacionet e përfshira. Këtij qëllimi i shërben dhe marrëveshja e ekstradimit. Vlen të përmendim faktin që Policia e Shtetit ka bërë një punë paraprake dhe me hyrjen e marrëveshjes ka filluar operacioni dhe deri më tani janë arrestuar shtatë shtetas shqiptarë. Qëllimi është të ekstradohen drejt Spanjës”,-tha Nano.
Drejtori i Policisë së Spanjës, tha se me hyrjen në fuqi të kësaj marrëveshjeje, Shqipëria dhe Spanja bëjnë një hap të rëndësishëm në luftën kundër krimit të organizuar.
”Shqipëria tregon vendosmërinë e saj absolute për të mos qenë strehë për kriminelët. Me këtë operacion për kapjen e personave në kërkim, Policia Shqitare dhe ajo e Spanjës përforcojnë bashkëpunimin. Duam të falenderojmë për bashkëpunimin, ju falenderojmë e përgëzojmë për gatishmërinë që do të vazhdojë të rritet në të ardhmen”.