Marshim dhe një protestë shiu nga PD, policia angazhon 1500 efektivë

Partia Demokratike do të mbajë këtë të premte në orën 19:00 protestën e radhës, ku këtë herë nuk do të ketë fjalime siç u pa herën e shkuar. Sipas burimeve të ”Koha Jonë”, do të ketë një rikthim të marshimit në kushte edhe të një moti me shi, jo shumë në favor të opozitës.

Rreth 1,500 efektivë policie do të angazhohen në terren. Prani e shtuar e forcave të rendit do të ketë pranë institucioneve kryesore, përfshirë Kryeministrinë, Parlamentin dhe ministritë.

Policia e Shtetit ka hartuar një plan masash për mbarëvajtjen e protestës dhe menaxhimin e situatës në çdo skenar të mundshëm, duke qenë se tubimi është paralajmëruar në formën e një marshimi.