Marshimi, protestuesit ndalen përballë Kuvendit: Parlament i krimit

Pas fjalimeve përballë Kryeministrisë, protestuesit janë ndalur përpara godinës së Parlamentit. Me tone të ashpra dhe revolte, protestuesit kanë lëshuar thirrje në kor si “Parlamenti i krimit”, ndërsa kanë bërë thirrje të hapura për revolucion popullor. Një javë më parë, situata përpara këtij institucioni degjeneroi në tensione të forta. Gjatë zhvillimit të seancës plenare, ndaj qytetarëve që po protestonin u ushtrua dhunë e ashpër nga ana e forcave të policisë dhe personave të tjerë, ngjarje e cila duket se ka ndezur edhe më shumë revoltën e sotme.