Martin Henze: Rama të japë dorëheqjen urgjent, duhet qeveri kalimtare!

Këshilltari politik i CDU-së, Martin Henze, ka reaguar lidhur me situatën serioze të krijuar nga koronavirusi në vendin tonë.

Përmes një postimi në Twitter, Henze shkruan se kryeministri shqiptar u tall me pandeminë dhe nuk e mori seriozisht situatën. Sipas tij, Edi Rama duhet të japë dorëheqjen për qeverisjen kaotike.

Këshilltari i CDU-së shton se për të përballur krizën e pandemisë dhe sigurisht krizën politike duhet që vendi të drejtohet nga një qeveri kalimtare.

“Në Shqipëri nuk ka kontroll serioz të pandemisë: 4 muaj tallje nga Rama, 20 muaj nxjerrje autoblindash në rrugë, mungesë testimesh, vetëm korrupsion, qeveri kaotike, dorëheqje menjëherë dhe qeveri kalimtare, është një emergjencë!”,- shkruan në një postim në Twitter, Martin Henze.

There was no serious pandemic control in Albania: 4 months of jokes from Rama, 20 months of putting tanks on the streets, hardly any serious testing, only corruption, chaotic government, resignation immediately and transitory government, it is an emergency! pic.twitter.com/XtIV8SCRqW

— Martin Henze (@GSKStrategy) July 13, 2020