MAS: 8 ditë afat për aplikimin në Universitete, më 5 shtator fituesit

Zbardhet udhëzimi i Ministrisë së Arsimit dhe Sporteve për aplikimin në universitet të maturantëve këtë vit.

Publikohet dhe kalendari i plotësimit të formularit të aplikimit online në portalin ‘Matura Shtetërore’, ku kanë të drejtën të zgjedhin 10 degë studimi.

Aplikimet nisin më 1 gusht në Tiranë dhe mbyllen më 10 gusht në Kukës, Has, Tropojë, Dibër, Mat Bulqizë.

Për të hedhur të dhënat në sistem, maturantët duhet të paguajnë faturën prej 2 mijë lekësh
Sipas udhëzimit të MAS, fituesit do të shpallen nga universitetet, në bazë të kritereve që ata kanë përcaktuar dhe kuotave të pranim.

Agjencia Kombëtare e Provimeve ngarkohet që brenda datës 16 gusht t’u dërgojë universiteteve listat e aplikuesve për çdo program studimi, dhe më pas ato të bëjnë shpalljen e studentëve fitues në datën 5 shtator 2016.

Pranimet në universitet edhe këtë vit do të jenë me dy raunde, duke u dhënë një shans të dytë edhe maturantëve të cilët do të kalojnë me sukses provimet në vjeshtë.

Udhëzimi i MAS mban datën 22 korrik 2016.