Masa të reja shtrënguese: Nga nesër mbyllen lokalet në të gjithë Shqipërinë

Forcohen masat shtrënguese kundër përhapjes së koronavirusit. Kryeministri Edi Rama publikoi në facebook masat e reja shtrënguese.

Nga nesër në 06.00 të mëngjesit lokalet dhe mjediset e tjera të mbyllura fillimisht në qarqet Tiranë/ Durrës/ dhe sot në qarqet Shkodër, Lezhë, Elbasan, Fier dhe Vlorë, do të mbyllen në të gjithë Shqipërinë

Gjithashtu paralajmërohen drejtuesit e mjeteve se nëse do të lëvizin pa një arsye pune atëherë do të dënohen deri me heqje të patentës 3 vjet dhe sekuestrim të automjetit

Lëvizjet e paautorizuara me automjet të kujtdo që nuk ka një arsye pune, sipas kategorive të funksioneve shtetërore apo shërbimeve private të autorizuara, do të dënohen me heqje të patentës 3 vjet dhe sekuestrim të automjetit!

Të gjitha kompanitë duhet të sigurojnë standartet e sigurisë kundër përhapjes së epidemisë në mjediset e tyre të punës. Në të kundërt do të përballen me sanksione të rënda.