Maskat grabisin një banesë në Rrilë të Lezhës

Një grabitje me armë dhe maska ka ndodhur gjatë orëve të natës në fshatin Rrilë të Lezhës.

Mësohet se dy persona të maskuar kanë hyrë në banesën e një çfiti të moshuarish dhe nën kërcënimin e armës i kanë marrë një shumë parash.

Grabitësit kanë plagosur me armë në të dyja këmbët kryefamiljarin Vasil Sela, i cili është dërguar me urgjencë drejt spitalit të Traumës në Tiranë për marrjen e ndihmës mjekësore.

Fatmirësisht bashkëshortja e tij ka shpëtuar pa lëndime.

Forca të shumta policie ndodhen në vengjarje dhe po punojnë për identifikimin dhe kapjen e autorëve.

Ende nuk dihet shuma e parave që grabitësit kanë mundur të marrin nga banesa.