Mbështetja për Ukrainën, Ambasada Amerikane për vendimin në Samitin e NATO-s: Forcim i bashkëpunimit

Aktualitet E Martë, 20 Gusht 2024 19:19

Ambasada amerikane në Tiranë, shprehet se aleatët perëndimorë të Shqipërisë kanë marrë një vendim tepër të rëndësishëm ën Samitin e NATO-s në Uashington. Sipas ambasadës amerikane, në kryeqytetin e SHBA-ve është marrë vendimi për të mbrojtur Ukrainën nga agresioni rus. “Aleatët morën një vendim të rëndësishëm në Samitin e NATO-s në Uashington për të forcuar bashkëpunimin tonë të vazhdueshëm dhe për të ofruar mbështetje afatgjatë për Ukrainën. Qëllimi është t’i mundësohet Ukrainës aftësia për të mbrojtur veten tani, dhe për të penguar çdo agresion të mëtejshëm në të ardhmen”, thuhet në njoftimin e ambasadës së SHBA-së në Tiranë.