Mbyllet dosja, kreu i komunës Bërzhitë në pritje të gjyqit

Organi i akuzës ka mbyllur dosjen ndaj kryetarit të komunës Berzhitë, Genc Drita, si dhe vartësi i tij Armando Burri përfunduan në gjyq, me cilësinë e të pandehurit, pasi mbi ta rëndon akuza e korrupsionit. Tashmë i mbetet gjykatës të vendosë mbi fatin e kryekomunarit të Bërzhitës. Prokuroria për Krime të Rënda ka mbyllur hetimet dhe ka dorëzuar dosjen në gjykatë, ku Drita do të gjykohet në gjendje të lirë pasi i është ndryshuar masa e sigurisë nga ajo e “arrestit me burg”.  Sipas prokurorisë i pandehuri Drita me ndihmën e vartësit të tij burri i ka kërkuar një qytetari një shumë prej 4.500 euro në këmbim të dhënies se një leje përdorimi për një hapësire publike, e cila ndodhet ngjitur biznesit tij dhe qe aktualisht e përdor për parking për një biznes në Bërzhitë. Pas denoncimit të qytetarit, policia ka kryer veprime duke bërë arrestimin në flagrancë të kreut të kësaj komune.