Mehmetaj: Qytetarët nuk dorëzohen, agjenda është në dorën e tyre

Nënkryetarja e LSI, Kejdi Mehmetaj në një prononcim për mediat është shprehur se sot në protestën e opozitës do të vendosë vullneti qytetarëve.

“Qytetarët nuk do të dorëzohen derisa të fitojnë lirinë, të drejtat e tyre dhe të kthehen përsëri në këtë kryeministri që u përket atyre dhe individit që është aty brenda dhe që duhet të largohet sa më parë. Fitorja është me qytetarët, kjo është e padiskutuar”.

Duket që pjesëmarrja është tejet e madhe. A ka një plan se si do të vazhdojë protesta?

“Të gjithë qytetarët, të gjithë votuesit e LSI-së por edhe gjithë shqiptarët që janë sot në këtë shesh, agjenda është në dorën e tyre, skenari është në vullnetin e tyre për atë se çfarë do të ndodhë sot në këtë protestë. Pasi mbi të gjitha prevalon dëshira e tyre për ta parë Shqipërinë një vend më të mirë dhe të çliruar nga ajo klikë mafioze që e ka marrë peng”, deklaroi Mehmetaj.