Meloni dhe Rama, vizitë në kampet në Gjadër e Shëngjin

Kryeministrja e Italisë Giorgia Meloni ka nisur sot vizitën zyrtare në Shqipëri. Pasi ka zbritur në Rinas, Meloni ka udhëtuar me helikopter drejt Gjadrit ku, së bashku me Kryeministrin Rama, do të shohin nga afër ecurinë e punimeve të dy qendrave pritëse të emigrantëve në Portin e Shëngjinit dhe në Qendrën Pritëse të Gjadrit.

Qendrat do të ngrihen bazuar në Protokollin e Bashkëpunimit mes Shqipërisë dhe Italisë për trajtimin e emigrantëve që mbërrijnë nga Afrika në brigjet e Italisë.

Më pas, të dy homologët do të kenë një konferencë të përbashkët për mediat.