MEPJ dënon përdhosjen e flamurit të Izraelit në Tiranë: Akt i turpshëm urrejtjeje

Ministria për Evropën dhe Punët e Jashtme ka dënuar heqjen dhe përdhosjen e flamurit të Ambasadës së Izraelit në Tiranë nga protestues të maskuar gjatë protestës së mbrëmshme. Edhe një natë tjetër dolën në foltoren e protestës disa persona ku bënë thirrje kundër Izraelit, duke thënë se “Izraeli është armiku ynë”.

Në turmë ka elementë islamikë dhe me financime të ISIS e qarqeve iraniane.

Po përsëritet disa herë nga protesta thirrjet e perdhosja e flamurit të Izrealit. Kjo është kriminale, sepse populli izrealit është ndër miqtë me të mirë të Shqipërisë.

Në reagim, ministria e cilëson aktin si shfaqje urrejtjeje dhe intolerance, që nuk ka lidhje me lirinë e shprehjes apo të drejtën për protestë paqësore. MEPJ shprehu solidaritet me Ambasadën e Izraelit dhe riafirmoi angazhimin e Shqipërisë për mbrojtjen e misioneve diplomatike.

Reagim i Ministrisë për Evropën dhe Punët e Jashtme:

Ministria për Evropën dhe Punët e Jashtme e Republikës së Shqipërisë dënon me forcë heqjen dhe përdhosjen e flamurit të Ambasadës së Shtetit të Izraelit në Tiranë nga protestues të maskuar gjatë protestës së mbrëmshme.

Veprime të tilla nuk kanë asnjë lidhje me lirinë e shprehjes, të drejtën legjitime për protestë paqësore apo me vlerat tona demokratike dhe standardet evropiane që kemi ndërtuar dhe po forcojmë çdo ditë. Ato janë shfaqje të urrejtjes, intolerancës dhe nxitjes së saj, dhe janë krejtësisht të papajtueshme me parimet e respektit dhe bashkëjetesës që Shqipëria i ka në themel dhe i çmon me përkushtim.

Ky akt i turpshëm bie ndesh me traditën e gjatë shqiptare të mikpritjes, harmonisë dhe respektit për tjetrin, vlera që kanë karakterizuar shoqërinë tonë për breza me radhë. Ato nuk përfaqësojnë as Shqipërinë, as popullin shqiptar. Përfaqësojnë vetëm ata që kërkojnë të provokojnë, të përçajnë dhe të përhapin urrejtje, duke shpërdoruar dhe keqpërdorur në mënyrë të qëllimshme të drejtat dhe liritë.

Ministria riafirmon angazhimin e palëkundur të Shqipërisë për mbrojtjen e misioneve diplomatike dhe simboleve të tyre, në përputhje të plotë me të drejtën ndërkombëtare dhe Konventën e Vjenës për Marrëdhëniet Diplomatike. Ne shprehim solidaritetin tonë me Ambasadën e Shtetit të Izraelit dhe theksojmë se dhuna, intimidimi dhe gjuha e urrejtjes nuk mund dhe nuk do të kenë vend në një shoqëri demokratike.