Merr fund emergjenca natyrore në Fier, Subashi: Mbetjet do të shkojnë në inceneratorin e qytetit

Pas shumë ditësh, ka përfunduar procesi i mbulimit me dhe i vatrave të ndezura në Fier.

“Fusha e mbetjeve është vënë në kontroll të plotë. Pra, nëse para 2-3 ditësh pamë që nuk kishte më flakë, por vetëm tym, sot vemë re se nuk ka asgjë, pra 100% nuk ka as tym, as gjë”, tha kryetari i Bashkisë së Fierit, Armando Subashi.

Nga ana tjetër ai tha se mbetjet nuk do të depozitohen më në këtë fushë, por do të shkojnë në inceneratorin e qytetit.

“Të gjitha mbetjet që mblidhen në Bashkinë e Fierit do të shkojnë tek inceneratori pastaj për të vijuar me trajtimin tjetër”.