Mësues pa mësuesi, ministrja nxjerr udhëzimin e posaçëm

Të diplomuarit në një degë studimi të ngjashme me mësusinë si ekonomi, arte, gjuhësi apo përkthim do të kenë mundësi të ushtrojnë dhe profesionin e mësuesit.

Fillimisht duhet të marrin leksione të paktën për një semestër në fushën e psikologjisë pedagogjike. Udhëzimi është firmosur nga ministrja e Arsimit, Evis Kushi.

“Ftoj të gjitha universitetet që, bazuar në këtë udhëzim, të paraqesin sa më shpejt aplikimet për miratimin e programeve të nevojshme, për t’u dhënë mundësi të interesuarve që të regjistrohen që në vitin e ri akademik 2023-2024,” tha Kushi.