Meta për audiopërgjimin: Perversitet dhe montazh i Berishës
I ftuar në një emision televiziv gjatë mbrëmjes së sotme, Ilir Meta e cilësoi si një “perveristetet, diçka banale dhe montazh të Berishës”, video-përgjimin që ky i fundit publikoi nga një takim i Ramës.
Sipas Metës bëhet fjalë për një montazh sepse Berisha nuk ka transmetuar pjesën e fjalës ku Rama bën thirrje “që nuk duhet bërë asnjë aktivitet politik nëpër shkolla, me mësuesit, etj”.
“Berisha le ta çojë në Prokurori”, – tha më tej Meta.
“Nuk ka qenë takim me drejtorët, por me strukturat e partisë, por ka që janë edhe të angazhuar në sttukturat shtetërore”, – përfundoi Meta.