Meta: Tom Doshi më ka thënë se ” do më vrasi kunati i Berishes, Agim Rama”.

Ilir Meta ka folur për herë të parë për akuzat e Tom Doshit se ai ka paguar para për ta vrarë atë dhe deputetin e PD, Mhill Fufi. Meta, në një prononcim për mediat mbajti të njëjtin version që deklaroi dje kryetari i Komisionit të Sigurisë, Spartak Braho, sipas të cilit, Tom Doshi u ka deklaruar 6 muaj më parë se për vrasjen e tij dhe të Fufit kishte paguar kunati i ish –kryeministrit Berisha, Agim Rama.

Meta tha se për këtë ai ka vënë në dijeni disa institucione dhe akuzoi deputetin Tom Doshi se është personi që po pengon zbardhjen e hetimeve. Kryeparlamentari i akuzuar nga Doshi si porositës i vrasjes së dy deputetëve i kërkoi nga ana tjetër kreut të opozitës, të tregohet i kujdesshëm, duke thënë se Doshi mund ta ndryshojë shumë shpejt versionin e tij dhe të thotë se për ta eleminuar ka paguar kunati i tij.

Deklarata e plotë e Metës:

Meta: Nuk jam habitur aspak nga akuzat e djeshme të deputetit Doshi pas përjashtimit të tij nga grupi i PS, veprim që e përshëndes plotësisht, sepse është një veprim mjaft i qartë për t’u ndarë njëherë e mirë nga politika e shtanazhit dhe për t’i dhënë fund praktikave të presionit mbi qeverisjen e vendit.

Ju po më pyesni për versionin e djeshëm. Me qetësi, me qetësi, me qetësi. Merreni me qetësi.

Lidhur me versionin e djeshëm mund të them që nuk habitem për të, sidomos pas vendimit të grupit të PS. Unë pjesën serioze e kam konsumuar prej muajsh. Pra, shqetësimi e deputetit në fjalë sipas versionit në fjalë i bëri të ditur jo vetëm për mua por edh e shumë përsona të tjerë me përgjegjësi institucionale se ndaj tij po përgatitej një atetntat ku paguesi dhe organizatori ishte Agim Rama, i cili do të paguante 500 milionë euro për eliminin e tij dhe të Mhill Fufit, me qëllim destabilizimin e vendit, duke krijuar alibinë se në këtë cështje ishte përfshirë Kryetari i Kuvendit.

Në atë kohë unë si Kryetar i Kuvendit jam takuar me Ministrin e Brendshëm dhe Prokurorin e Përgjithshëm, në prani të kryetarit të Komisionit të Sigurisë, zotit Braho që doli dje në deklaratë dhe kam kërkuar marrjen e masave për zbardhjen e gjithë kësaj histori dhe vendojen e personave të dyshuar para përgjegjësisë. Deri dje i vetmi person që ka penguar zbardhjen e kësaj cështje rezulton të jetë deputeti Tom Doshi. Unë nuk flas në emër të policisë dhe prokurorisë. Veprimet e mia kanë qenë në përputhje me ligjin. Është e drejta e tij të ndryshojë versionet e antetatit të tij pas 6 muajsh.

Gazetarët: Cili është interesi i tij për t’ju akuzuar ku, në një kohë që ai u përjashtua nga Rama.

Meta: Nuk e di se kush është interesi i tij. Unë di variantin të cilin e dinë edhe shumë të tjerë dhe janë të gatshëm të dëshmojnë para organeve të drejtësisë.Deputeti në fjalë është i vetmi pengues i zbardhjes së të vërtetave.

Nuk kam ndër mend të merrem me cështje të cilat mund t’u interesojnë juve, por jam për t’ju thënë se pjesën serioze e kam konsumuar prej 5 – 6 muajsh. Kam kërkuar të bëhen hetime, të zbardhet kjo cështje, të merret në mbrojtje jeta e dy deputetëve. Natyrisht nuk mund ta fsheh zhgënjimin për entusiazmin e lidershipit të opozitës për të shprehur dashuri ndaj deputeti Doshi. Është e drejtë e tyre të zgjedhin atë si simbol të së vërtetës, të luftës kundër korrupsionit e krimit të organizuar. Këm një këshillë ndaj kryetarit formal, që të jetë i kujdesshëm ndaj deklaratave të tij, pasi Tom Doshi e ka një atentat në mendje, pavarësisht se i ndryshon variantet. Por kam frikë se porositësi tjetër mund të dalë që është kunati i kryetarit aktual.