Ministri Hoxha takim me Krichbaum: Mbështetje e palëkundur nga Gjermania për anëtarësimin e Shqipërisë në BE

Gjatë qëndrimit në Luksemburg, ministri për Evropën dhe Punët e Jashtme, Ferit Hoxha u takua me ministrin e Shtetit për Çështjet Evropiane në Ministrinë e Jashtme Federale të Gjermanisë, Günter Krichbaum.

Hoxha dhe Krichbaum folën mbi rrugën e anëtarësimit të Shqipërisë në BE dhe dinamikën aktuale të zgjerimit të BE-së. Ministri njoftoi në rrjetin social X se me ministrin gjerman diskutoi mbi mundësitë e krijuara nga momenti i ripërtërirë pas zgjerimit.

Të dy zyrtarët ranë dakord për rëndësinë e ruajtjes së një procesi të besueshëm, të bazuar në meritë, të plotësuar me hapa konkretë dhe të synuar drejt integrimit gradual që i sjell vendet kandidate më afër Bashkimit Evropian ndërsa ato përparojnë në reforma.

Ministri Hoxha shprehu gjithashtu vlerësimin për mbështetjen e palëkundur të Gjermanisë për zgjerimin e BE-së dhe për anëtarësimin e Shqipërisë në Union.