Ministri i Financave: Do të rishikohet çmimi i referencës për pronat në bregdet

Pronat në bregdet mund të pësojnë rritje këtë vit, pasi do të ketë rishikim të çmimeve të referencës në këto zona.

Në një konferencë për mediat, ministri i Financave Ervin Mete tha se Ministria e Financave dhe Ekonomisë ka hartuar një udhëzim të ri, i cili vendos një rregull të ri lidhur me taksimin e kalimit të pronësisë, sipas të cilit çmimet e referencës do të amortizohen me 1% në vit në varësi të moshës së ndërtesës.

“Në kuadër të ligjit ‘Për tatimin mbi të ardhurat’ është hartuar edhe udhëzimi i ri, lidhur me taksimin e kalimit të pronësisë, ku kemi gjetur me vend të vendosim një rregull të ri, në bazë të të cilit çmimet e referencës do të amortizohen me 1% në vit në varësi të moshës së ndërtesës.

Gjatë këtij viti, do të ketë një rishikim të çmimeve të referencës edhe në bregdet, me ndarje zonash të caktuara, që do të reflektojnë rritjen e çmimeve në këto zona”, tha Mete.